Lið Arsenal er í viðræðum við Juventus þessa stundina vegna framherjans unga Moise Kean.

Frá þessu greina ítalskir miðlar en Kean er 19 ára gamall og þykir mjög efnilegur leikmaður.

Kean spilaði sex deildarleiki í Serie A á síðustu leiktíð og skoraði í þeim sex mörk, þrátt fyrir það voru tækifærin af skornum skammti.

Juventus er tilbúið að selja Kean til Arsenal fyrir 31,5 milljón punda en með einu skilyrði.

Juventus heimtar að klásúla verði sett í samning leikmannsins sem myndi gera félaginu kleift að kaupa hann til baka fyrir 36 milljónir punda.

Arsenal er ekki hrifið af þeirri hugmynd og væri frekar til í að borga 36 milljónir fyrir hann og sleppa þessu ákvæði.