Krystial Bielik, leikmaður Arsenal, vill komast burt frá félaginu og það strax.
Bielik er 21 árs gamall og leikur í vörninni en hann kom til Arsenal frá Legia Warsaw árið 2015.
Hann hefur ekki fengið tækifæri í deildarleik og telur sig ekki eiga framtíð fyrir sér hjá félaginu.
Bielik hefur leikið með Birmingham, Walsall og nú síðast Charlton á láni og vill semja við annað félag endanlega.
Pólskir miðlar segja að Bielik hafi enga trú á því að Arsenal muni gefa sér tækifæri og vill finna nýtt félag.
Samningur leikmannsins við Arsenal rennur út eftir tvö ár og eru litlar líkur á að hann verði framlengdur.