Frank Lampard, stjóri Chelsea, gladdi marga stuðningsmenn liðsins eftir leik við Kawasaki Frontale í dag.
Chelsea kom á óvart í Japan en Kawasaki hafði betur með einu marki gegn engu og töpuðu þeir ensku.
Kurt Zouma spilaði með Chelsea í leiknum en hann er orðaður við brottför. Zouma lék með Everton á láni á síðustu leiktíð.
Lampard hefur hins vegar staðfest það að hann vilji halda Zouma, eitthvað sem gleður marga stuðningsmenn.
,,Varðandi Zouma þá er hann mjög, mjög góður leikmaður, manneskja og atvinnumaður,“ sagði Lampard.
,,Ég vil halda honum hérna, það er svo einfalt. Það er samkeppni í miðverðinum og hann spilaði mjög vel með Everton á síðustu leiktíð.“
,,Ég skil af hverju þeir vilja fá hann aftur en hann er leikmaður Chelsea og ég vil halda honum.“