Bryan Robson, goðsögn Manchester United, vill sjá félagið halda miðjumanninum Paul Pogba í sumar.

Pogba er sterklega orðaður við brottför en umboðsmaður hans Mino Raiola hefur sagt ýmsa hluti í fjölmiðlum.

Robson er ekki viss um að Pogba sé á sömu skoðun og Raiola og hvetur hann til að taka eigin ákvarðanir.

,,Hann væri alltaf í mínu liði. Það sem stuðningsmennirnir þurfa að átta sig á að umboðsmenn tala stundum og það er ekki endilega skoðun leikmannsins,“ sagði Robson.

,,Leikmennirnir ættu að einbeita sér að sínum ferli og taka eigin ákvarðanir, frekar en að treysta á umboðsmenn.“

,,Þetta er þinn ferill – þú gerir það sem þú telur vera rétt. Haltu áfram og spilaðu eins og þú vilt.“