Benjamin Mendy, leikmaður Manchester City, hefur þurft að glíma við mörg meiðsli síðan hann samdi við félagið.
Mendy er enn og aftur meiddur og hefur greint frá því að hann missi af fyrsta mánuði næsta tímabils.
Frakkinn er staddur í Barcelona að jafna sig eftir aðgerð en hann er meiddur í hné.
Það gefur Angelino tækifæri á að sanna sig í bakverðinum en hann gekk aftur í raðir City í sumar.
Mendy mun ekki mæta til æfinga hjá City fyrr en í næsta mánuði og verður mögulega klár fyrir leik gegn Norwich þann 14. september.