Jurgen Klopp, stjóri Liverpool, elskar að vinna með miðjumanninum James Milner hjá félaginu.

Milner er 33 ára gamall í dag en hann spilaði stórt hlutverk hjá Liverpool á síðustu leiktíð er liðið vann Meistaradeildina.

Klopp segir að hann hafi ekki unnið með mörgum betri atvinnumönnum og er þá ánægður með ræðurnar sem Milner býður upp á í klefanum.

,,Það eru ekki margir betri sem ég hef unnið með. Ég er heppinn að hafa fengið að vinna með svona leikmönnum,“ sagði Klopp.

,,Sebastian Kehl sem dæmi hjá Dortmund, hann var reynslubolti í annars ungu liði eins og Millie er. Millie hefur bætt sig knattspyrnulega undanfarin tvö eða þrjú ár líka.“

,,Hann fer stundum með grófar ræður í búningsklefanum og ég get ekki gert það.“

,,Þetta eru hlutir sem þú getur sagt í klefanum en ég má ekki segja þetta opinberlega.“