Jurgen Klopp, stjóri Liverpool, gaf það út á dögunum að allar líkur væru á því að Simon Mignolet yrði áfram hjá félaginu.
Mignolet er varamarkvörður Liverpool en Alisson Becker er maðurinn sem Klopp treystir á.
Mignolet hefur þó engan áhuga á að vera áfram hjá Liverpool segir umboðsmaður hans, Nico Vaesen.
,,Það er mikilvægt fyrir Simon að fá að spila einhvers staðar og markmiðið er að fara,“ sagði Vaesen.
,,Hann hefur enn upp á mikið að bjóða og ef við fáum tilboð þá treystum við á Liverpool að reyna að hjálpa okkur.“
