Juventus á Ítalíu hefur staðfest komu varnarmannins Matthijs de Ligt en hann kemur til félagsins frá Ajax.
Þessi félagaskipti hafa legið í loftinu í margar vikur en nú er allt klárt og er De Ligt orðinn leikmaður ítalska félagsins.
Juventus staðfesti það í gær að De Ligt væri mættur til Túrin og væri á leið í læknisskoðun hjá félaginu.
Degi seinna staðfestu Ítalíumeistararnir komu De Ligt sem kostar 67 milljónir punda.
De Ligt er aðeins 19 ára gamall en hann var fyrirliði Ajax á síðustu leiktíð sem komst í undanúrslit Meistaradeildarinnar.