Newcastle United hefur staðfest komu Steve Bruce en hann er nýr knattspyrnustjóri félagsins.
Bruce skrifaði í dag undir þriggja ára samning við Newcastle og kemur til félagsins frá Sheffield Wednesday.
Bruce tekur við af Rafael Benitez en hann ákvað að yfirgefa Newcastle í byrjun mánaðarins.
Bruce er fyrrum stórstjarna í boltanum en hann lék lengi með Manchester United við góðan orðstír.
Hann hefur stýrt ófáum liðum á sínum stjóraferli og þekkir það vel að vinna í ensku úrvalsdeildinni.
