Mauricio Pochettino, stjóri Tottenham, viðurkennir að Christian Eriksen gæti yfirgefið félagið í sumar.
Pochettino staðfesti það í gær að það væri mikill áhugi fyrir Eriksen sem á eitt ár eftir af samningi sínum.
Real Madrid er talið vera að skoða danska landsliðsmanninn sem og Atletico Madrid.
,,Ég vona að hann verði hér áfram. Hann er frábær leikmaður og einn sá hæfileikaríkasti í boltanum,“ sagði Pochettino.
,,Ég hef unnið með honum í fimm ár og miðað við hvernig hann spilar þá vona ég að hann verði áfram.“
,,En eins og þið vitið þá er mikill áhugi fyrir honum. Ég veit ekki hvað mun gerast.“