Joey Barton, knattspyrnustjóri Fleetwood Town, hefur verið ákærður af lögreglunni í Englandi.
Þetta var staðfest í morgun en Barton er ákærður fyrir að ráðast á mann eftir leik við Barnsley í þriðju efstu deild Englands.
Atvikið átti sér stað í apríl en Barton var ekki lengi að neita þessum ásökunum til að byrja með.
Barton er ásakaður um að hafa ráðist að manni eftir leik gegn Barnsley og eru miklar líkur á að það hafi verið knattspyrnustjóri síðarnefnda liðsins, Daniel Stendel.
Barton er þekktur fyrir það að vera mikill skaphundur en hann komst oftar en einu sinni í vesen sem knattspyrnumaður.
Englendingurinn þarf að mæta fyrir rétt í október en mun þangað til halda áfram að stýra liði Fleetwood.
