West Ham United hefur fest kaup á framherjanum Sebastian Haller en þetta var staðfest í dag.
Haller skrifaði undir fimm ára samning við West Ham og kostar félagið 40 milljónir punda.
Sóknarmaðurinn er því dýrasti leikmaður í sögu West Ham en það var áður Felipe Anderson sem kostaði 35 milljónir.
Haller er 25 ára gamall Frakki og hefur undanfarin ár gert það gott með Frankfurt í Þýskalandi.
Haller er stór og sterkur framherji en hann skoraði 15 mörk í Bundesligunni á síðustu leiktíð.
