Arsenal er að reyna að fá betri bakvörð en Aaron Wan-Bissaka segir stjóri Celtic, Neil Lennon.
Wan-Bissaka var keyptur til Manchester United í sumar en hann kostaði 50 milljónir punda frá Crystal Palace.
Arsenal reynir að fá Kieran Tierney frá Celtic en báðum tilboðum liðsins í leikmanninn hefur verið hafnað.
Lennon vill ekki selja þennan 22 ára gamla leikmann en Arsenal bauð 15 og 25 milljónir í skoska landsliðsmanninn.
,,Við getum ekkert gert í því hvað lið á Englandi gera,“ sagði Lennon í samtali við blaðamenn.
,,Manchester United borgaði 50 milljónir fyrir Wan-Bisska og það er há upphæð. Kieran er miklu reynslumeiri og fullkomnari leikmaður eins og er að okkar mati.“
,,Hann er gríðarlega mikilvægur fyrir okkur og við höfum sett verðmiða á hann. Að þetta sé óvirðing er ekki rétt en við munum ekki gefa eftir auðveldlega.“
