Thomas Tuchel, stjóri Paris Saint-Germain, hefur staðfest það að Neymar vilji yfirgefa félagið.
Neymar hefur rætt við stjórn franska félagsins í tvígang en hann vill fá að spila annars staðar í vetur.
PSG vill hins vegar frá allt 222 milljónir evra fyrir Brassann en það er upphæðin sem félagið borgaði fyrir hann frá Barcelona.
,,Já ég vissi af þessu en þetta er umræðuefni sem er á milli hans og félagsins,“ sagði Tuchel í dag.
Neymar er byrjaður að æfa með PSG á ný eftir frí en hann mætti þó of seint til æfinga eða nokkrum dögum seinna en aðrir.
