Victor Lindelof, leikmaður Manchester United, hefur tjáð sig um möguleg skipti til Barcelona.
Barcelona er sagt hafa áhuga á sænska landsliðsmanninum sem var einn besti leikmaður United á síðustu leiktíð.
Lindelof var spurður út í áhuga Barcelona í gær en hann hefur engan áhuga á því að yfirgefa enska stórliðið.
,,Ég er mjög, mjög ánægður með að vera leikmaður Manchester United,“ sagði Lindelof á blaðamannafundi.
,,Ég er spenntur fyrir komandi tímabili og get ekki beðið eftir að byrja það. Það er mitt svar. Ég er ánægður hérna.“
,,Mér leið alltaf eins og leikmanni Manchester United en síðasta tímabil var betra fyrir mig. Ég stóð mig betur en á því fyrsta.“