Marc Overmars, fyrrum leikmaður Arsenal, er ekki mikill aðdáandi miðjumannsins Mesut Özil.
Özil hefur átt frábæran feril sem leikmaður en hann lék með Real Madrid áður en hann kom til Englands.
Özil er þó reglulega orðaður við brottför og þykir ekki leggja sig nógu mikið fram á vellinum.
Overmars starfar í dag hjá Ajax í Hollandi og telur að félagið sé með betri leikmann í sínum röðum en Özil.
,,Að mínu mati þá er Hakim Ziyech betri en hann,“ sagði Overmars spurður út í Özil.
Ziyech er orðaður við stórlið þessa dagana en hann var frábær fyrir Ajax á síðustu leiktíð. Hann er fáanlegur fyrir 31 milljón punda.
,,Það kemur mér mikið á óvart að það sé enn svo hljótt í kringum Hakim. Hann hefur bætt sig á hverju ári og tölfræðin er frábær.“
,,Félög eru að horfa meira og meira á tölfræðina frekar en frammistöðuna. Hakim er betri en Özil að mínu mati.“
,,Ég ráðlegg þeim að selja Özil og þú getur fengið Hakim fyrir helminginn af þeirri upphæð en þeir hlusta ekki. Kannski verður hann bara áfram hjá Ajax.“