Mason Mount, ungur leikmaður Chelsea, hefur skrifað undir nýjan fimm ára samning við félagið.
Þetta var staðfest í dag en þessi öflugi leikmaður er nú samningsbundinn til ársins 2024.
Mount lék með Derby County í láni á síðustu leiktíð og var þar undir stjórn Frank Lampard sem er stjóri Chelsea í dag.
Lampard vill nota Mount hjá Chelsea á næsta tímabili og gæti þessi 20 ára gamli leikmaður fengið reglulega að spila.
Mount hefur allan sinn feril verið samningsbundinn Chelsea en hann byrjaði fyrst að spila þar sex ára gamall.
