Mario Lemina, leikmaður Southampton, hefur staðfest það að hann sé á förum frá félaginu í sumar.
Lemina var ekki valinn í æfingahóp Southampton en liðið er á leið til Austurríkis og mun æfa þar á undirbúningstímabilinu.
Lemina kom til Southampton fyrir tveimur árum en hann var áður hjá ítalska stórliðinu Juventus.
Hann missti af fjórum mánuðum á síðasta tímabili vegna meiðsla en er nú mættur sterkur til baka.
Lemina staðfesti það að hann væri að leita sér að nýju félagi og segist einnig vilja vera áfram á Englandi.
Ekki nóg með það heldur þá reynir Lemina sjálfur að vekja athygli annarra liða á samskiptamiðlum.
Miðjumaðurinn birti myndband af eigin tilþrifum á Twitter og segist ætla að berjast fyrir því að koma annað og í stærra lið.
I KNOW WHAT I CAN REACH AND I WILL FIGHT FOR IT ⚡️⚡️ #TonicLikeLeminade pic.twitter.com/nZ2BwOv7bj
— Mario Lemina (@LeminaM_13) 10 July 2019