David de Gea hefur enn ekki skrifað undir nýjan samning við Manchester United.
De Gea verður samningslaus á næsta ári en hann hefur margoft verið orðaður við brottför síðustu mánuði og jafnvel ár.
Ole Gunnar Solskjær, stjóri United, var spurður út í stöðu De Gea í gær og hvort hann væri að skrifa undir.
Norðmaðurinn er bjartsýnn á að De Gea muni framlengja en viðræðurnar hafa verið í gangi í allt sumar.
,,David hefur verið í viðræðum í allt sumar og við vonum að þetta muni allt leysast,“ sagði Solskjær.
,,Ég er auðvitað bjartsýnn. Ég hef margoft sagt hversu heppinn og ánægður ég er með að eiga hann sem markvörð.“