Romelu Lukaku, framherji Manchester United, er ákveðinn í því að komast burt frá félaginu í sumar.

Frá þessu greina enskir miðlar í dag en Lukaku er sterklega orðaður við ítalska stórliðið Inter Milan.

Samkvæmt nýjustu fregnum þá vill Lukaku fara vegna þjálfarans Ole Gunnar Solskjær sem tók við í desember.

Lukaku telur sig vera fyrir aftan Marcus Rashford í goggunnarröðinni á Old Trafford og vill ekki sitja á bekknum.

Solskjær er þó talinn vilja halda Lukaku sem er verðmetinn á 80 milljónir punda.

Belginn telur þó að Solskjær hafi misst trú á sér undir lok síðasta tímabils og ætlar að komast burt í sumar.