Þeir Ian Jeffs og Andri Ólafsson munu þjálfa lið ÍBV í Pepsi Max-deild karla út tímabilið.
Þetta staðfesti ÍBV í dag en þeir taka við af Pedro Hipolito sem var látinn fara fyrr í mánuðinum.
Jeffs verður aðalþjálfari liðsins og verðu Andri honum til aðstoðar en báðir eru þeir fyrrum leikmenn ÍBV.
Gengi ÍBV hefur ekki verið gott á tímabilinu og er liðið eins og staðan er í mikilli fallhættu.
ÍBV er með markatöluna -18 og situr á botni deildarinnar með fimm stig. Næstu lið fyrir ofan eru með 11 stig.
