Steve Bruce hefur óvænt verið orðaður við stjórastarfið hjá Newcastle sem er laust þessa stundina.
Rafael Benitez ákvað að yfirgefa Newcastle á dögunum og vantar félaginu stjóra fyrir næsta tímabil.
Bruce þjálfar lið Sheffield Wednesday í dag en er með mikla reynslu úr úrvalsldeildinni. Hann var spurður út í sögusagnirnar í gær.
,,Þetta eru fréttir fyrir mig. Aðeins Guð veit hvað gerðist á þriðjudaginn. Allt fór af stað hjá veðbönkum og hvaðan það kom veit ég ekki,“ sagði Bruce.
,,John Terry var líklegastur í gær og áður var það Mikel Arteta svo hver veit? Það sem ég veit er að ég er hér og fer heim á morgun. Ég er bara spenntur fyrir því að fara út að labba með hundinn.“