Manchester United ætti að selja Paul Pogba í sumar segir fyrrum leikmaður liðsins, Kleberson.
Pogba vill sjálfur komast annað í sumar en hann hefur fengið nóg af gagnrýninni á Old Trafford.
Kleberson telur að það myndi henta báðum aðilum ef United ákveður að selja hann í sumar.
,,Þetta er rétti tíminn til að selja Paul Pogba. Hann er frábær leikmaður með magnaða hæfileika,“ sagði Kleberson.
,,Stíllinn hans er aðeins öðruvísi og hentar kannski ekki hvað Manchester United þarf á að halda.“
,,Hann gæti notað þetta tækifæri og fengið nýja ferska byrjun, að spila í nýju andrúmslofti og taka við nýrri áskorun.“
