Divock Origi hefur skrifað undir nýjan samning við Liverpool en þetta var staðfest í dag.
Um er að ræða 24 ára gamlan sóknarmann en hann kom til Liverpool frá Lille árið 2014.
Origi kom aðeins við sögu hjá Liverpool á síðustu leiktíð og skoraði mikilvæg mörk er liðið vann Meistaradeildina og hafnaði í öðru sæti úrvalsdeildarinnar.
Ljóst er að Origi mun ekki eiga fast byrjunarliðssæti á næstu leiktíð en hann sættir sig við það.
Belginn er sáttur á Anfield en hann skrifaði undir langtímasamning við félagið.