Frenkie de Jong spilar með Barcelona á næstu leiktíð en hann kom til félagsins frá Ajax í Hollandi.
De Jong er 22 ára gamall miðjumaður en hann var frábær fyrir Ajax á síðustu leiktíð.
Hollendingurinn viðurkennir að hann hafi lengi hugsað um að spila fyrir fyrir enska félagið Arsenal.
De Jong ætlaði að fara sömu leið og fyrrum vængmaðurinn Marc Overmars sem lék með báðum liðum.
,,Í huganum þá leit listinn lengi svona út hjá mér: Ajax-Arsenal-Barcelona, kallið þetta Marc Overmars leiðina,“ sagði De Jong.
,,Ef þú kemst hins vegar beint til Barcelona þá ertu þar sem þú vilt vera. Það gerðist fyrr en þú þorðir að vona.“
