Dani Alves, fyrrum leikmaður Barcelona, hefur gagnrýnt góðvin sinn Lionel Messi en þeir voru lengi saman hjá félaginu.
Messi var bálreiður á dögunum eftir að Argentína lauk keppni á Copa America mótinu. Liðið hafnaði í þriðja sæti mótsins.
Messi vill meina að dómarar mótsins hafi verið á móti argentínska liðinu og talaði um spillingu og fleira.
,,Vinir þínir hafa ekki alltaf rétt fyrir sér bara því þeir eru vinir þínir. Það er hægt að segja ýmislegt í hita leiksins en ég er ekki sammála þessu,“ sagði Alves.
,,Hann er að sýna liði eins og Brasilíu óvirðingu að mínu mati. Í öðru lagi þá er hann að sýna leikmönnum óvirðingu sem hafa gefið allt í sölurnar til að komast þarna og elta drauminn.“
,,Ég er vinur sem mun alltaf segja sannleikann. Það sem hann sagði var rangt.“