Það er óvíst hvort miðjumaðurinn Emil Hallfreðsson skrifi undir nýjan samning við lið Udinese á Ítalíu.
Emil ræddi möguleikan á nýjum samningi í samtali við Morgunblaðið í dag.
,,Ég myndi halda að það væri svona helmingslíkur eins og staðan er í dag,“ sagði Emil spurður út í málið.
Emil samdi aftur til Udinese í byrjun árs eftir stutta dvöl hjá Frosinone þar sem lítið gekk upp.
Emil er 35 ára gamall og er án samnings. Ljóst er að hann þarf á liði að halda svo hann geti átt fast sæti í íslenska landsliðinu sem reynir að komast á EM.