Arsenal á Englandi hefur staðfest komu Edu en hann tekur við sem tæknilegur ráðgjafi hjá félaginu.
Edu er 41 árs gamall í dag en hann spilaði með Arsenal sem leikmaður frá 2001 til 2005.
Edu tekur að sér starf á bakvið tjöldin en hann mun hjálpa við að njósna um leikmenn og fá þá til félagsins.
Arsenal reyndi að ráða Monchi til starfa fyrr á árinu en hann var ráðinn til Sevilla á nýjan leik eftir stutta dvöl hjá Roma.
Edu er sá fyrsti sem tekur við þessu starfi hjá Arsenal en breytingar eru að eiga sér stað hjá enska stórliðinu.
