Mino Raiola, umboðsmaður Matthijs de Ligt, hefur staðfest það að leikmaðurinn sé á leið til Juventus.
De Ligt er 20 ára gamall varnarmaður en mörg stórlið hafa sýnt honum áhuga í sumarglugganum.
,,Matthjis hefur náð samkomulagi við Juventus og nú snýst þetta um hvernig Ajax vill taka á þessu,“ sagði Raiola.
Juventus hefur ekki viljað borga þá upphæð sem Ajax vill en samkomulag mun líklega nást að lokum.
De Ligt mun fá 12 milljónir evra á ári á Ítalíu en kaupverð leikmannsins á eftir að koma í ljós.
