Það væru mistök hjá Jadon Sancho að ganga í raðir Manchester United að mati Wayne Rooneu, fyrrum leikmanns liðsins.

Sancho er aðeins 19 ára gamall en hann fær reglulega að spila hjá Dortmund.

United hefur sýnt stráknum áhuga en Rooney er ekki sannfærður um að það sé rétt skref fyrir leikmanninn.

,,Dortmund er frábært félag og þeir eiga frábæra stuðningsmenn. Þeir treysta á unga leikmenn og það sést að Sancho er að bæta sig,“ sagði Rooney.

,,Nú þarf Jadon að spyrja sig hvort hann vilji fá að spila eða hvort hann myndi bara vera á bekknum á Englandi.“

,,Það er svo mikilvægt fyrir hann að fá að spila, ef hann fær það hjá Dortmund þá ætti hann að vera um kyrrt.“