Paul Pogba ferðaðist með liði Manchester United sem skellti sér til Ástralíu í gær í æfingaferð.
Eins og oft áður er framtíð Pogba í umræðunni en hann vill komast burt frá United og það strax.
Umboðsmaður hans hefur staðfest að Pogba sé óánægður og vill hann semja við nýtt lið fyrir ágúst.
Hann neyðist hins vegar til þess að ferðast með United til Ástralíu þar sem liðið hefur undirbúningstímabilið.
Miðað við myndir af Pogba í gær þá er hann ekki eins hress og hann yfirleitt er en hann er þekktur brandarakall ef svo má að orði komast.
Pogba hafði engan áhuga á að ferðast með liðinu en er samningsbundinn og þarf að sinna sínum skyldum.