FH 1-0 Víkingur R.
1-0 Brandur Olsen(78′)

FH vann gríðarlega mikilvægan sigur í Pepsi Max-deild karla í kvöld er liðið mætti Víkingi Reykjavík.

Víkingar voru heilt yfir sterkari aðilinn í leik kvöldsins en eina mark leiksins kom undir lok venjulegs leiktíma.

Það er óhætt að segja að mark FH-inga hafi verið umdeilt en það kom beint úr aukaspyrnu.

Brandur Olsen skoraði með frábærri spyrnu rétt fyrir utan teig en dæmt var brot á Júlíus Magnússon.

Það eru margir á því máli að Egill Arnar dómari hafi gert slæm mistök og að dómurinn hafi verið rangur.

Brandur var þó lítið að pæla í því og skoraði með fallegu skoti til að tryggja FH þrjú stig og sjötta sæti deildarinnar í bili.