ÍBV 1-2 KR
0-1 Óskar Örn Hauksson(20′)
0-2 Arnþór Ingi Kristinsson(62′)
1-2 Guðmundur Magnússon(90′)
KR styrkti stöðu sína á toppi Pepsi-Max deildar karla í dag er liðið mætti ÍBV í Eyjum.
KR var sterkari aðilinn í dag og komst yfir með marki frá Óskari Erni Haukssyni á 20. mínútu. Óskar fór illa með varnarmann Eyjamanna áður en hann þrumaði knettinum í netið.
Staðan var orðin 2-0 eftir 62 mínútur en Arnþór Ingi Kristinsson bætti þá við öðru marki gestanna.
Guðmundur Magnússon lagaði stöðuna fyrir ÍBV á lokamínútu venjulegs leiktíma en það dugði ekki til og lokastaðan, 2-1.