ÍBV í Pepsi Max-deild karla vill nú losna við varnarmanninn Gilson Correia sem kom til félagsins fyrir tímabilið.
Þetta staðfesti Ian Jeffs, þjálfari ÍBV, í kvöld en hann ræddi stöðu leikmannsins í samtali við Fótbolta.net.
Correia hefur alls ekki staðist væntingar í Eyjum og reynir félagið nú að losna við hann af launaskránni.
Correia spilaði áður í Portúgal en hann kemur frá Guinea-Bissau og var fenginn til félagsins af Pedro Hipolito sem yfirgaf ÍBV nýlega.
,,ÍBV ætlar að reyna að losna við Gilson og hann ætlar að fara aftur heim til sín. Þetta mál gengur hægt,“ sagði Jeffs við Fótbolta.net.
,,Hann er ekki lengur í myndinni hjá okkur,“ bætti Jeffs við en ÍBV tapaði 2-1 gegn KR í efstu deild í dag.