Leandro Trossard, leikmaður Genk, hefur staðfest það að hann sé á leið í læknisskoðun hjá Brighton.
Trossard er 24 ára gamall vængmaður en hann var fyrirliði Genk og á að baki 120 leiki fyrir félagið.
Belginn var mikið orðaður við Arsenal en hann fer ekki þangað og er að skrifa undir hjá Brighton.
,,Á þriðjudaginn þá mun ég fara í læknisskoðun hjá Brighton. Það er mín ósk að spila í ensku úrvalsdeildinni,“ sagði Trossard.
,,Ég vil þakka Genk fyrir allan stuðninginn síðustu ár,“ bætti Trossard við en hann skoraði 22 mörk á síðustu leiktíð er liðið vann belgísku deildina.
