Daniele De Rossi, fyrrum fyrirliði Roma, mun semja við annað félag í ítölsku úrvalsdeildinni fyrir næstu leiktíð.
Þetta fullyrðir virti blaðamaðurinn Gianluca Di Marzio en De Rossi var látinn fara frá Roma eftir síðasta tímabil.
De Rossi hefur spilað með Roma allan sinn feril en hann lék með meistaraflokki frá 2001 til 2019.
Hann fékk hins vegar ekki nýjan samning hjá félaginu og urðu margir reiðir eftir þá ákvörðun stjórnarinnar.
Talið var að De Rossi myndi fara til Kína eða Bandaríkjanna en hann ætlar að taka annað tímabil á Ítalíu.
De Rossi er 35 ára gamall en hann lék 459 deildarleiki fyrir Roma og 117 landsleiki fyrir Ítalíu.