AC Milan á Ítalíu hefur staðfest komu Marco Giampaolo en hann hefur mikið verið orðaður við félagið.
Milan hefur leitað að nýjum stjóra undanfarnar vikur eftir brottför Gennaro Gattuso.
Gengi Milan var allt í lagi undir stjórn Gattuso en stjórn félagsins vill komast í Meistaradeildina á ný.
Giampaolo er mjög reyndur stjóri en þjálfaraferill hans byrjaði hjá Ascoli árið 2004.
Þessi 51 árs gamli Ítali stýrði Sampdoria við góðan orðstír frá 2016 til 2019 og fær nú stóra tækifærið.