Nabil Fekir, fyrirliði Lyon, er á förum frá Lyon en frá þessu greinir forseti félagsins Jean Michel Aulas.
Fekir var nálægt því að yfirgefa Lyon síðasta sumar en skipti hans til Liverpool gengu svo óvænt ekki í gegn.
Fekir ætlar að reyna aftur í sumar og hefur líklega spilað sinn síðasta leik fyrir franska stórliðið.
,,Hann vill fá að yfirgefa félagið. Við erum opnir fyrir viðræðum en höfum engar fréttir að svo stöddu,“ sagði Aulas.
,,Við erum að bíða eftir tilboðum en eins og staðan er þá er ekkert á borðinu.“