Antoine Griezmann er ekki á leið til Barcelona samkvæmt forseta félagsins, Josep Maria Bartomeu.
Griezmann er sterklega orðaður við Barcelona en hann mun yfirgefa Atletico Madrid í sumar.
Bartomeu neitar því þó að Griezmann sé að koma en enginn frá félaginu hefur rætt við franska landsliðsmanninn.
,,Það er ekkert sem við þurfum að tilkynna. Við höfum alltaf sagt það sama,“ sagði Bartomeu.
,,Við höfum ekki rætt við hann, það er ekkert til í þessu. Við skoðum hvernig markaðurinn breytist á næstu dögum eða vikum.“