Miðjumaðurinn Fred veit að hann stóðst ekki væntingar hjá félaginu á síðustu leiktíð.
Fred kostaði United 52 milljónir punda síðasta sumar en hann hafði gert það gott með Shakhtar Donetsk í Úkraínu.
Brasilíumaðurinn segir að tímabilið hafi verið erfitt fyrir sig en ætlar ekki að gefast upp og ætlar að gera betur á næstu leiktíð.
,,Síðasta tímabil var mitt fyrsta hér og það var erfitt en ég tel að ég hafi endað það allt í lagi,“ sagði Fred.
,,Ég vona að næsta tímabil verði gott og að liðinu gangi mun betur. Ég er spenntur fyrir komandi verkefni.“