Richarlison, leikmaður Everton, vonar að landi sinn David Neres gangi í raðir félagsins.
Neres er orðaður við Everton þessa stundina en hann er samningsbundinn Ajax í Hollandi.
Mörg lið hafa sýnt Neres áhuga sem hefur gefið það út að hann ætli að finna sér nýtt félag í sumar.
Richarlison reynir að tala Neres til en þeir eru saman í brasilíska landsliðinu.
,,Ég hef nú þegar rætt við hann. Ég sagði honum að dyrnar væru opnar, hann gæti hjálpað okkur mikið,“ sagði Richarlison.
,,Ég vona að hann komi hingað, við tækjum vel á móti honum. Ég hef þekkt hann síðan við spiluðum saman með U20 ára landsliðinu. Við náum vel saman. Vonandi sé ég hann þarna.“
