Frank Lampard er líklega að taka við liði Chelsea en hann er fyrrum leikmaður liðsins.

Lampard býr ekki yfir mikilli reynslu sem stjóri en hann hefur stýrt liði Derby undanfarið ár.

Tony Cascarino, fyrrum leikmaður Chelsea, telur að það væri gott skref fyrir Lampard að taka með sér fyrrum stjóra liðsins, Jose Mourinho.

,,Mér var sagt sem ég held að sé rétt að ef þú ert ungur þjálfari þá áttu að taka með þér reynslumikinn mann sem veit hvernig á að tala við stjórnina,“ sagði Cascarino.

,,Augljósasta nafnið er Jose Mourinho því hann er án félags. Við vitum þó ekki hvernig samband Mourinho við stjórnina er.“

,,Hans samband við Chelsea hefur þurft að þola mikið og ég þekki ekki samband hans við Frank.“