Cristiano Ronaldo átti gott tímabil með Juventus á síðustu leiktíð en hann var að spila á Ítalíu í fyrsta sinn.
Ronaldo var áður algjör markavél fyrir Real Madrid en hann samdi við Juventus á síðasta ári.
Juventus vann ítalska meistaratitilinn áttunda árið í röð og komst þá í 8-liða úrslit Meistaradeildarinnar.
Ronaldo var sáttur með eigið tímabil miðað við færslu sem hann setti á Instagram síðu sína í gær.
Ronaldo minnti stuðningsmenn á hvað hann afrekaði á tímabilinu, bæði með Juventus og portúgalska landsliðinu.
Hann varð sá fyrsti til að vinna 10 UEFA titla, var besti leikmaður tímabilsins á Ítalíu og varð sá fyrsti til að vinna 100 leiki í Meistaradeildinni svo eitthvað sé nefnt.
