Mats Hummels, leikmaður Bayern Munchen, er að ganga aftur í raðir Borussia Dortmund.
Þýskir miðlar fullyrða þessar fregnir en Dortmund mun borga 27 milljónir punda fyrir Hummels.
Hummels er fyrrum þýskur landsliðsmaður en hann er 30 ára gamall í dag og vann deildina þrisvar í röð með Bayern.
Hummels er uppalinn hjá Bayern en hann yfirgaf Dortmund til að fara heim fyrir 30 milljónir punda árið 2016.
Hann á ekki fast sæti í liði Bayern undir stjórn Niko Kovac og má því snúa aftur til þeirra gulklæddu.
Hummels fer sömu leið og Mario Götze sem yfirgaf Dortmund fyrir Bayern og sneri svo aftur.