Það eru ófáir leikmenn sem halda með liði Manchester United í enska boltanum en enska deildin er vinsæl um allan heim.
Margir leikmenn héldu lengi með United áður en ferillinn tók flug og spila þeir nú fyrir stórlið annars staðar í heiminum.
Manuel Akanji, leikmaður Borussia Dortmund, er aðdáandi Manchester United og vill einn daginn fá að spila fyrir félagið.
Akanji gekk í raðir Dortmund frá Basel en hann er 23 ára gamall og er landsliðsmaður Sviss.
,,Það eru margir sem vita það að Manchester United hefur verið mitt uppáhalds félag síðan ég var krakki,“ sagði Akanji.
,,Það væri æðislegt að fá að spila þar en það er ekkert vandamál eins og staðan er.“
