Dimitar Berbatov, fyrrum leikmaður Manchester United, hefur gefið Ole Gunnar Solskjær, stjóra liðsins, ráð fyrir sumarið.
United mun líklega versla varnarmann fyrir næsta tímabil og veit Berbatov hvert Norðmaðurinn á að leita.
Hann nefnir hinn 19 ára gamla Matthijs de Ligt sem spilar með Ajax í Hollandi.
,,Ole þarf varnarmann sem getur stjórnað boltanum, gefið á miðjuna og einhvern sem er ekki hræddur – eins og Virgil van Dijk,“ sagði Berbatov.
,,Ef ég er framherji með Van Dijk í mínu liði þá veit ég að allt verður í lagi. Þeir þurfa einhvern þannig.“
,,Miðað við aldur þá er frammistaða De Ligt ótrúleg. Hann er mjög þroskaður og líður vel á boltanum.“
,,Það skiptir hann engu máli hver mótherjinn er – Ronaldo eða hver sem er. Hann spilar bara sinn leik.“
,,Hann verður ótrúlegur leikmaður. Hann er með mikla hæfileika og ég vona að United reyni við hann í sumar.“