Romelu Lukaku, framherji Manchester United er orðaður við Inter. Antonio Conte hefur áhuga á að kaupa framherjann knáa.
Belginn raðar inn mörkum og spilar vel fyrir landsliðið en hefur fengið gagnrýni frá stuðningsmönnum, Manchester United.
,,Þetta er undir United komið,“ sagði Lukaku eftir sigur Belga á Skotum í gær.
,,Félagið þarf að koma út með yfirlýsingu, ég er ekki hér til að ýta undir sögusagnir.“
,,Ég spila bara minn fótbolta og síðan tökum við stöðuna.“
Talið er að Ole Gunnar Solskjær sé til í að selja Lukaku fyrir um 75 milljónir punda.