Emil Hallfreðsson spilaði vel í gær er íslenska landsliðið lék við Tyrkland í undankeppni EM.

Emil spilaði allan leikinn í 2-1 sigri Íslands sem var mjög mikikvægur fyrir framhaldið.

,,Mér leið bara vel. Ég hef æft af fullum krafti síðustu þrjá mánuði og náði 90 mínútum um daginn. Ég hafði æft vel og var alltaf með þessa tvo leiki í huga,“ sagði Emil.

,,Mér fannst fyrri hálfleikurinn frábær, algjör skita að fá þetta mark á sig úr föstu leikatriði, þá gáfum við þeim færi á okkur.“

,,Í seinni hálfleiks gerist það automatically að við bökkum og reynum að halda. Heilt yfir var þetta vel spilaður leikur af okkar hálfu.“

,,Að fá þetta gula spjald var óþolandi, það er óþægilegt að vera á gulu spjaldi þegar 75 mínútur eru eftir. Það var ósanngjarnt, fyrsta brot og ég fór bara í boltann.“