Philippe Coutinho, er til sölu hjá Barcelona í sumar. Hann var slakur á liðnu tímabili og veit af því sjálfur.
Coutinho kostaði Barcelona háa upphæð í janúar árið 2018, hann finnur ekki taktinn á Nývangi.
,,Ég átti ekki gott tímabil,“ sagði Coutinho við fréttamenn í Brasilíu.
,,Frammistaða mín var miklu slakari en ég átti von á, ég verð að leggja mikið á mig. Ég hef gert það.“
Barcelona og Coutinho eru sögð leita að kaupanda en PSG er sagt leiða það kapphlaup.
