Það er alls ekki víst að bakvörðurinn Danny Rose verði hjá Tottenham á næstu leiktíð.
Rose greinir sjálfur frá þessu en hann hefur verið orðaður við brottför frá félaginu síðustu vikur.
Miðað við ummæli Rose í gær þá er honum alveg sama um hvort hann spili þar á næstu leiktíð eða ekki.
,,Ég veit ekki hvað framtíðin ber í skauti sér. Ég er bara spenntur fyrir fríinu,“ sagði Rose.
,,Ef ég er hjá Tottenham á næstu leiktíð, frábært, ef ekki – frábært. Ég verð bara að bíða og sjá.“
,,Ég veit hversu gamall ég er og ég veit hvernig félagið virkar, þegar þú nærð ákveðnum aldri þá gætu þeir reynt að koma þér burt.“